X
تبلیغات
بەهار

بەهار


"کە لێت دەڕۆم مەوەستەو بڕۆ"


دەستم ببە کافی شاپێک و
شێعرێک لە قاوەکەمدا بتوێنەوە.
دەزانم 
تۆ کە منی وجارجار تۆ.
دەتوانی پەنجەریەش بی .
کاراکتەرێکی تەنیاتم،
کە باران لی تۆرا و 
بوو بەسەفەر لە هەرچی کتێبە.
تۆ لە دیوار بدوێ و 
من لە بێ دیواری .
ئاسن گەمارۆی داوین و
ساردمی.

خۆکوشتنێک، مشت مشت
لە حەکایەتی من و تۆدا 
"جن" و"بسم اللە" یە 
گەر ببی.
+ نوشته شده در  شنبه 16 شهریور1392ساعت 23:12  توسط بەهار  | 


" کە رووت تێدەکەم منێک چاوم تێدەبڕێ"


لە ئیستاوە تا هەین
ژیان ئەو شەقامە دوورەیە کە هەر
لە پارکەوە تا من
لە تۆوە تا من 
لە منەوە تا من
هەر باسی تۆ بوو.

لە تۆوە تا تۆ
منێک کلاسیک عاشقتە و
مۆدێرن شەڕی سینەما و شێعریەتی .


لە ئێستاوەمان تا هەم
تۆ تا تۆ
منێک لە نێوان ماننەوە و رۆیشتندا
دەمێنێتەوە و ناڕوات.
+ نوشته شده در  شنبه 16 شهریور1392ساعت 23:10  توسط بەهار  | 

"دڵمان تەنگ دەبێ یان نا ،چش"

تۆ خۆش ،
سەرت نا ،خۆت.
خۆت کە رهیڵەی بارانێکی شپرزی.
ماڵت نەشەوێ،
... شێواوتە ماڵم،
لە کەراسەکتدا،
کە بۆن بۆن
دووری و
بیرت لە بیرمدا
کۆتریکە سپی
کە بەردەوام توورە ت دەبم.
پێدەکەنی و
لەبیردەکەم شەڕ.
وەرەوە
بیر کردنتم خۆش دەوێ
کە شەڕفرۆشێکە دەم بە پێکەنین.

+ نوشته شده در  یکشنبه 6 مرداد1392ساعت 2:7  توسط بەهار  | 


"ویستم بنووسم رێگا نووسیم سەفەر "

رێگامان بێ رێ و 
دڵمان قەتیسی جانتایێکە 
کە نەدەپێچرێتەوە نە" حەیرانت دەبم"رای دەگرێ،
جانتا پڕ لە دووچاوی ترساو
نازانێ دەپێچرێتەوە 
یان 
خەونووچکە دەیمرێنێ.
مردووت مرێ وەرەوە
جانتا لە من دەکا
کە هەر لەرێدام،
کە هەر........،
کەهەر.........
"-بە چی پێدەکەنی؟
- بەدەم."
دەی بەدەم پێکەنینتەوە جگەرەیەک بکڕەو وەرەوە.

+ نوشته شده در  دوشنبه 24 تیر1392ساعت 1:28  توسط بەهار  | 


"چ بێتام دوور دەبمەوە لێت"

پۆلێک وشە لە مندا سەریان لێشێواوە
نیت پێبکەنی.
کراسەکەت ماڵێکە پڕ لە بۆنت.
بێقەراری
بارانێکم کە داتباراند.
بێقەرار؟
شتێکە لەمندا کە لە تۆ ناکا،
بۆی مەگەڕێ،نایدۆزییەوە.
وەرەوە بازنە 
بازنەکانی دنیا دەمخنکێنن
جگە لە بازنەی ، سڵآو لە کویی؟
برۆ،تۆ دوورتر برۆ
من دەمەوێ سەربنێمەوە شەکەت "تم".
تێمەگە .
تۆ کە پێئەکەنی، 
لەبیر دەکەم
دەمویست بڵێم مەیەوە ،برۆ
+ نوشته شده در  جمعه 21 تیر1392ساعت 3:31  توسط بەهار  | 

دەریا بتبا
خوا پێبکەنێ.
ماسی ماسی بماسم لە داختا.
هەر هیچ .
کەس هەیە بڵێ "کە چی؟"
کۆی دەکەمەوە باروبنەم
بۆنی گرماندیان گرتووە.
دەرگایەک دەلێ بیتەوە 
خۆم دەکەمەوە بە سەرەتای مشار.
دەی ؟
خەتای ئەو کەسەیە کە هەیە
ئەگینا......
کورە لی گەڕێ 
ها وەک چیرۆکە دووپاتەکان
جگەرە بنۆشە و لەبیر دەکەم 
خەیال، هەی هووووووووووو
باسی حەمە ئاشەوانە و 
راستی ،
لای راستی منەوە دەستمی بەرداوە
+ نوشته شده در  جمعه 21 تیر1392ساعت 3:29  توسط بەهار  | 

"  پەردەیەک ئیتربەم پەنجەرەوە نابێ ببێ"



ئەونە وتم :کورە مەکە،

ئەم کەنیشکە بیکووتە بە شیعرێکدا

بزانە چۆن هۆن هۆن دەگری و

بیرت دەکات.

 وتم: ببینە چۆن جریوە جریوە گەڵآ

رۆژەکانمانیان وەراند و

 چۆلەکەکانی ئەم دارە

جۆلانەکانیان بەجێ هێشت و 

دڵیان دا بەدەم -با- بیبات.

ئەونە وتم 

تا لە بیرم چوو بڵێم:

تەنیا وەدووی باران کەوتم 

نەمزانی کۆڵانەکانی ئەم شارە

شارەزام نین و

ونم دەکەن لە خۆم.

چوزانم روو لە هەرکوێ بکەم

سەرم دێشێ ؟

من وتم:

 بێژە دیوار عاشقترە یان کۆڵان؟

تۆ کوتت :

بوەستە دەستەکانی باران لە ملت توند بکە و

بۆ هەمیشە دابارە.

بێژم چی تۆ وا بوویت و 

من وام.

 ئێژم،بڵەی لە رۆیشتندا ئەم هەورەتریشقە لە گیرفانت دانەکەوتبێ؟

بڵەی کە پێم بڵەی  بارانت لەکوێ چاڵ کرد

 بتوانم بێژم : 

چ خۆشە ئێستا ماڵئاوایی تەنیا کیبۆردێکەو

کورتەنامەیەک.


+ نوشته شده در  سه شنبه 28 خرداد1392ساعت 3:6  توسط بەهار  | 


"ئەمە کێیە؟"

خەم لە ریملێک زیاتر نیە
کە خەتێکی رەش دەخاتە ژێر چاوت و
هیچی تر.
 کوا بارانەکانم؟
عەتر
لە خەتەکانی بوونت دەڕژێ.
جادە و سەفەری چی؟
هێشتا بەرت نادا خەونێک
کە دەستی لە بینی هەور نا؟
جانتاکەم بەرەو هەرکوێ بکەمە شانم
ناگەمەوە تۆ.
کوا بارانەکانم؟
هیچ نەبێ کۆڵآنێکیانم بدەوە
هیچ نەبێ پیاسە یان بۆنێک
پەنجەرە داخسن
یانی لە شێعرێکدا
ئیتر چۆلەکە نانیشێتەوە
باران لە چەتر تووڕە نیە و
سەفەر لە جادە سڵ ناکات.
خوات بێ ماندووم.
لە من و ئەمانە گەڕێ
جگەرە چ تەعبیرێکی سادەیە.

تۆ شتەکانت باش لەبەر دەکرد
من شتەکانم باش لە بیر دەکرد.

بارانیش لە بیر دەکەم کە ئەوەندە لەبەرت نەکرد تا ون بوو.


+ نوشته شده در  شنبه 18 خرداد1392ساعت 4:26  توسط بەهار  | 

بە " گەنمەشامیەکەوە"
لە سینەمادا ون بووم
ئاسپرین لەو ئێوارەیەوە تا
هەموو جادەکانی دنیا
موورووەکانی نەنکت کۆ دەکاتەوە
کە ئۆتۆمبیلێک بردی و
تاران،تاران
غەریبت کەوتم.
ژماردم سەرین سەربنێتەوە
ژمارە یان ژماردنی هەنارەکانی چوارشەممانەی باران
بە کەیک و مۆمێکەوە
کڵاوی ورچەکەیان هێنایەوە
کە لە منداڵیمان رفێندرابو و
ئیتر نەخەوتم.
تۆ دەزانی بووکە شووشە جار جار پرچ دادەهێنێ .
تۆ دەزانی بووکە شووشە جارجار دەگری.
بوەستە لە ناوەراستی ئەم شێعرەدا و
دەستەکانت بکەرەوە
شاڵ،شاڵ
وەیلانی تۆزێک سەوزتم.
بە پیرەکە بلێ:
گرێ ئەها چ پووچ بوو.
باران رێک دێتەوە ماڵێکی دارین و
گوارە هەڵدەواسێ.
هەزارساڵە
ئاو لە مانگەوە دەرژێتە دڵی پلینگ و
هەموو هەر دەڵێن مانگ
هەزار ساڵە
بۆ هاتن دەبێ کارتێک بدەم بە پاسەوان
دەڵێن:
تێکدانی شێعرەکانی ئەحمەد رەزا وفرووغ
گرتمانی،
پرچم کە درێژ کراوەی نامەکانتە
دەیبڕم .
بریا
شار حکومەت نیزامی با
بریا
شەڕلەو کافی شاپەدا هەڵگیرسابا
بریا
لەسەر ئەو پلیکانە بەردانە ببوایێتین بەبەرد
جا کوا؟
کوا کیبۆرد لەم شتانە تێدەگا.
+ نوشته شده در  سه شنبه 7 خرداد1392ساعت 13:36  توسط بەهار  | 

"بمرفێنە - با- "

جار وبار

باوک لە لێوار پەنجەرەکەم دەنیشێتەوە و
باوەشێک هەور دەداتە دەستم
"کلردیازپکسایدێک" هەڵ ئە دەم و
مژێک خوێن و دروویێکی لووت بەرز
بۆنی"مەگنۆلیا "نزیکترە لە دایک
پرچم لە ئاوینەدا هەڵدەوەرێ و
مندالێک لەم بەشە بەدواوە
باڵی لی دەروێ
خوێن لە لێومەوە

دەرژێتە سەرت وگەرم دادێی

گۆرانی کیلۆمێترەکان دەجاوێ و
قریشکە هەر بەشی فڕینی من دەکا
چەند دەرگا تا بڕینی سەرم رێیە؟
هیوا حەرفێکە لە دڵی چۆلەکە کە تۆقی
پەپوولەکانی ئەم چیرۆکە شەقەی باڵیان دێت
قوورسی بە سەرمەوە داتدەنێم
لەم سێبەرە نامەیەدا
سەر لەیەک خەویشم بشەوێنی نزیکتر دەبیتەوە لە مەنتیقی" وجوودمی"

بمرفێنە - با-
دیکتارۆرێک لەم شێعرەدا 
گوڵ دەدا بە دوو بەشکرا لە نێوان دوو پۆلیسی خەوتوو

خزامە کراسەکەتەوە
خۆزگە دەستم لە هەموو دەستەکان گەورەتر با
تۆیەک زیاتر دەرژایتە لەپییەوە
لەو کافە دوورە
فاڵچییەک وتی:
خەتتی بوونی تۆ درێژترە لە خەتتی بوونی من
نەنکم دایشاردم
ئەو حەز دەکات خوا
پڕ بە وەنەوزێکیدا بکا و دابچلەکێ
دڵت لە مشتتدا نەبێ
کەس حۆکمی پێ نادرێ

لە تەختەکەمدا بنوو
بەیانی شەر بەدەم باوە دەشەکێ
سەرباز تۆ نەبی
سنوور وجانتای چی؟
بە کۆڵمەوە تەختێکە ووڕینەیێک
لارترین هەنگاوەکانی تۆ
لە باخچەیش جوانترە
کە دەڕشینەوە بەسەر
کۆڵانە دەست براوەکاندا

 

+ نوشته شده در  دوشنبه 30 اردیبهشت1392ساعت 2:32  توسط بەهار  | 


" دەتەوێ ببین؟"

من،
چ سەرەڕۆ عاشقتم .
تۆ ،
چ لەسەرخۆ بیرم دەکەی.
سەرێکم هەیە وهەزار سەودا ،باش،
تۆ،
جگەرەکەت داگرسێنە.
من،
دەنووسم: چەتر.
تۆ،
پێبکەنە.
من،
دەنووسم:خواکا ئەم بارانە خۆش نەکاتەوە.
تۆ،
دەستم بگرەو بڵێ ژیانمی.
من،
دەنووسم : دەتەوێ نەڕمم ؟
نەرم لە گوێمدا بڵێ هەی ،ئەو کاتەی نامەوێ باران خۆش بکاتەوە.

+ نوشته شده در  دوشنبه 16 اردیبهشت1392ساعت 20:6  توسط بەهار  | 


"لەم دوورییە سەیرەوە"

لێرەیش 
لەم دووریە سەیرەیش ،
بەرم نادا دەستت
وەیلانتم
غوربەتێک کە تێکت شکاند 
هێشتا لە باران ئەچێ جارجار
جادە بەشێکە لە دۆزینەوەت
چەتر سەرسوڕماوترین هاوسەفەرمە و
تەڕ بوون رسالەتی عەشق
رەنگە باڵات
نیشتمانێکی بێ سنوور
برۆمە کوێ؟
گۆڕینی جۆگرافیا
جگەرەیێک بوو لە لێوتەوە بۆ لێوم
گیرفانم پڕە لە جاوەروانی
پەنجەرەیێک روو لە 
پرسیارە شیتەکانی کچێک
کە ژیان
پەنجە بە قژەکانیدا دێنێ

+ نوشته شده در  جمعه 30 فروردین1392ساعت 15:47  توسط بەهار  | 



+ نوشته شده در  چهارشنبه 14 فروردین1392ساعت 14:12  توسط بەهار  | 


چ بەهارێکی لە مندا 
کە بیرت لێدەکەمەوە ماڵمان پڕ دەبێت لە پەپوولە
پڕ دەبێت لە هەور
دەباری و بیر لە چەتر ناکەمەوە

+ نوشته شده در  سه شنبه 6 فروردین1392ساعت 15:0  توسط بەهار  | 

سەفەرمی

چ سەفەراوی دڵەڕاوکێتمە
ئەمەی وت و توند دەستمی گرت.
ئەمەی وت و دەستمی توند گرت.

شار
سەری هەڵێنا و پێکەنی
جانتاکەی لە شان کرد و
لە ژێر لێوەوە،گۆرانیی وت.
عەتری لە خۆيدا و
دڵۆپەكانى بارانی
لەسەر کراسەکەم چنی
پێکەنی،
شیعر پێڵاوێکی بەرزی لەپێ کرد و
نێرگزی لە پیاوە ونبووەکانی شەقام بۆ وەرگرتم
ئەستێرەکان
دەستیان لە ژێر چەناگەیان دانا و
ماچیان بۆ چۆلەکەکانی باوەشم دەنارد
گەڵاکان
بوونە پەپوولە و
بە دەوری چەترەکەمدا سووڕان
دوو فنجان و بۆنت
دوور بووین

چ سەفەراوی دڵەڕاوکێتمە
ئەمەی وت و توند دەستمی گرت
ئەمەی وت و دەستمی توند گرت.

+ نوشته شده در  سه شنبه 6 فروردین1392ساعت 14:31  توسط بەهار  | 


"لە خۆتم بکە"


لە خۆتم بکە و دانیشە دوور جگەرە داگیرسێنە
عەشق لە شەقامەکانی غوربەت
زۆر بەئاسانی دەدۆڕێ
هەور هەلدەوەرێ
بەسەر چۆڵە خەتێک
لە فاریزەکانی هاتن وچوونت لە گلێنەمداو
نوقم هەناسە دەچنێ و
قومێک سەرشێتی پاش وپێش دەکەوێ
سیبەرێک کە تۆبی
تێکەڵ شەوێک کەمن بـم دەبێت
پەپوولەیێک باڵ دەکێشێ بەسەر ورینەکانی یاومدا
ماسیێک رێ دەکەوێ و
لقێک لەشێعرێک دەداتە دوورگەیێک و
لێم ئەگەرێ
تا تەنیا،تەنیا بم و
تا دوور،دوور بم
خەم بخۆم بۆ خۆم و
کچە شپرزەکانی
خەت بەخەت
خەت لێدراوی
دنیایێک کە دادەرمێ
بە ئاوڕێک لە تۆوە و 
کاتژمێرێک لە مەچەکی من دا خەو لێکەوتوو
کۆلان چەکەرە دەدا
لە لەپی دەستمدا و
لە هەڵڵام دەدا وهەڵم پڕ دەداتە پەنجەرە
داتشارێ
هەر سێوەو لە داوێنم
خلۆر دەبێتەوە و
هەر چاوەروانیە دووپات دەبێتەوە لە داشۆران
لە منەوە بەرەو تۆیێک کە ئاسمانی
سپی رەنگێکە لەم هەستە نادوێ
مەیەوە وهەر برۆ
شارە بە قورگیراوەکەی
رق
لە منا جیێ نابێتەوە
تەنیا دەترسم
دەترسم تەنیا بم
دەترسم کةدەترسم تەنیا بم
تەنیا لەمە دەترسم
ترسێک و 
خەتێکی نووسراوی سەر دەستمالێک
کە دەگری لەگەڵم و
هیچی تر

+ نوشته شده در  شنبه 3 فروردین1392ساعت 0:11  توسط بەهار  | 


"تا تۆ"

پاساری
لە خەونەکانیشمدا
باڵ لێنادا
... سێوەکەی دەستت
سەر لێ شێواو
لە هەوری دڵم دەڕوانێ
فڕێی بدە و
لێگەڕێ بسووڕێ
تا
دەگاتەوە باوەشم
لە دەورت گەڕێم.

کەسم
کەس بە کەسە
کەس بە کەسێکی سەیر
وەک بارینت
گرماندنت
بۆنت
خۆش کردنەوەت.

قەت بڕوا ناکەم
پەرت بوونم لە تۆوە
بەرەو بوون
لە فنجانێکدا جێی بێتە.
کراسەکەت
ماڵمە
یاخیت نابم
+ نوشته شده در  چهارشنبه 23 اسفند1391ساعت 1:19  توسط بەهار  | 

"مردتم"

لە باخی دراوسێمانی و

چاوت دەستم دەکاتە تکای رنینت

دەترنم،

 دەترنم و بەسەر خۆمدا دابەشت دەکەم.

 

سزا رەنگە سووریێک بێت وەک هەنار و

                                                   منێک چیرۆک

دەستەکانتم بەرێ

                   بەڕێوە جاروبار لە گیرفانمی دەنێم

خوایە

       بارانێک داکات

                      بمرفێنێ

خوایە

          بایێک هەڵکات

                      بمبات

هەڵمکەنە خوایە

هەڵمکەنە ماندووم

بەرەو هەر کوێ برۆم

دیسان دەگەمەوە مووروویێک کە با بە دەم باوە بردی و

                              شەقام لەو رۆژەوە کۆی دەکاتەوە و نیت

دابارە بەسەرمدا و

                  بمکە شێعرێک

بە توون با بلێن: ئەها

عاشق بوون لە عەترێک دەچێ

                کە رامدەچلەکێنێ

دەترنم لە ئێوارەیێکی مەیلەو تۆدا و

                              دەتمرم

شار بە پەلە داوێنی پر دەکات لە نوور و

                          شەوانەرۆی دەکاتە حەوشەکەم

                         من هەر پەردە لادەدەم و هەرد ێم و دەچم وهەر چایی و .........

بروانە چەند بیرت دەکەم

بروانە چەند پرچم ئالۆزتە

باران کە چەتری هەڵکرد

من بارو بنەم کۆ کردەوە

هەورم راگرت

دەستمالە شێعر لێ نووسراوەکەم

دا دەستی  send  و مردتم

+ نوشته شده در  چهارشنبه 9 اسفند1391ساعت 18:28  توسط بەهار  | 

لە تاریکایێیکی مزر
دانیشتووی و
حەزم سەری لەسەرشانتە
فلاشێک
هەور، هەور
دەتگرمێنێ
بارانێک لە
کۆڵانەکانی پەنجەتەوە
سارد،سارد
گۆرانیێک لە منەوە بە گوێتدا دەڵێ
دەڵێ:
بلێ وەرە
بڵێ وەرە
گەڵایێک لە باوەشی دیوار رزگار کە
بڵێ وەرەو
پاییزێک داگیرسێنە
کە لەژێر پێستی مندا
دەرژێت.
ژوورێک لە شوێنێک لە
سێوترین چیرۆکی ون بوونی
تۆ لەمن
سێبەر ، سێبەر
لە عەترێکەوە
دەرژیتە جانتاکەمەوە و
من چەترەکەم کۆ دەکەمەوە
تۆ
بڵێ: بڕۆ.

+ نوشته شده در  یکشنبه 29 بهمن1391ساعت 18:12  توسط بەهار  | 

''شێتی تۆ؟''

تووڕە بە وەک 'با '

هاژەت بئاڵێنە پەنجەرەو

ببە سەمفۆنیای ژوورێکی

داڕماو.

قرچ ، قرچ

دابقرچە لە ئاورێک دار.

قۆڵم لە قۆڵتدا شێت.

بمکە رەنگێک لە رەنگەکان و

ئاوێتەم بکە بە خۆت.

دەتژەنێ

خوێنێک لە دەماری لای مڵمەوە

هەتاکوو دڵ،

کە لێدەدات بۆت.


+ نوشته شده در  شنبه 30 دی1391ساعت 21:28  توسط بەهار  |